كلمات اناشيد حلوة

هلا بنات
اخباركم
نبدأ

وعنك سولفولي الناس .. ياعقد من الذهب والماس
يا قصة حب مكتوبة .. قطر يا تاج فوق الراس
..............
يا شمسن حيرت أقمار .. يادارن مامثلها دار
خذاك العز لدروبه .. وصنتي أجمل المشوار
.................
على ترابك ربى إنسان .. بذل جهدن بقو وإيمان
وصرتي ثامن اعجوبة ..بها الدنيا حديث أوطان
...................
وسط جوك يرفرف طير .. ونسماتك هواها غير
دعاك كلن ومطلوبه ..قطر ياعلك زيادة خير

والثاني

ابتسم أضحك وخل الهم يتكدر
وارسم على خدك ورود لاتقول ما أقدر

علامك سارح وزعلان وقلبك ممتلي أحزان
وشايل همك بروحك يغطي صوتك الحرمان

ابتسم وافرح وحاول تنسى آلامك
أنسى قسى كل الظروف وحقق آمالك

تناسى كل مافاتك ورد البسمه لشفاتك
أبي ترجع مثل الاول وتملي الدنيا ضحكاتك

ابتسم أقهر ظروفك و الكدر و الهم
كلنا معاك قلب وروح وياك نحلم

تعودنا على شوفك تشيل الحب بكفوفك
توزعها على الدنيا و ثوب الفرحة هو ثوبك

الثالث

ورد الجـــــــــــــــوري غنى وادانه وادانــه
والدنيا تضـــــــــحك لي و أحبـــابي معانـا
طير السمـــــــا غرد في فرحة لقــــــــانـا
وعطـر الهـــــــوى ردد يا ما احلـــى هوانـا

بدر الهنا نـــــوّر واتمايــــل قبــــالــــــــــي
واشـــرق على الدنـيا يتباهى في العالي
وقت الحـــزن ولّى مـن عقلــــي وبالـــــي
وجانا الفـــــرح يرقـص في أحلـــى الليالي

أنا فـــــي بستاني في عطـــري و اطيابي
و النـــرجس نادانـــي ينشـــد علـى بــابي
و الكـــادي غنــالي مــــن طيبه وطــــــابي
و الــــورد هنــــاني وهنـــاني أحـبـابــــــــي

مـــــا ادري أنــــا وينـي حــارت بي أفكــاري
حــــاسس قلبي طـــــاير في الدنيا وسـاري
أرســـل أنـــا حـبـــي وأغــنــي أشعـــــــاري
ولـيــل المنــى عنــــدي أحلى من نهـــــاري

الرابع

ياليت كل الخلايق مابهم حساد
ياليت كل المشاعر صادقه بالناس
كان المحبه بحنايا هالبشر تزداد
وكان الضمير اللي فينا يمتلي باحساس
ياليت نملك قلوبنٍِ مابها احقاد
ياليت نقدر نسامح غيرنا لو زل
كان الزمان اللي نحيا ماحوى اذلال
وكانت حياة الخلايق بالفعل اجمل
ياليت نملك لسانٍ صاينٍ كل نفس
وياليت نعمل فعايل طيبه للغير
كانت نوايا الخلايق ساطعه كالشمس
وكانت طبايعنا دايم للبشر شي غير
هذي رساله وابيها توصل الاحساس
وهذي اماني بقلبي صرت انشدها
تكفون خلونا نمشي دربها ياناس
والفرحه نرجي من الله دوم نحصدها
الخامس

لولا الأمل ما بقى في الدنيا رجاوي

لولا الأمل محــــد بها الدنيا ســـلا

لولا الأمل ما أسفرت سود الهقــــاوي

وأشرق شعاع النور والغيم انجلى

يا كود لحظات الأمل تمحي البــــلاوي

والليل لا طول فلا دام البــــــــــلا

لولا الأمل ما كان للعلـــة مـــــــداوي

لولا الأمل ما رفرف الطير وعـــلا

لولا الأمل..ما كان للعثرات قـــــاوي

وأثمر نخيل الخير في رمل الفــــلا

لولا الأمل ما جاءت للبسمـة طــــــراوي

لولا الأمل ما قيل للفرحــة هـــــلا

لولا الأمل ماعاد به شئ يســــــاوي

والحزن غطى الكون والعالم خـلا

السادس
ياعاشقين الهم , عيشوا الفرح لو يوم
ها الدنيا ماتسوى , ذرة زعل أو لوم

ها الدنيا با تحلى , لما الأمل يبقى
دايم معانا القلوب , كنز ومايفنى

عمر الفرح لحظة , لحظة وماتنعاد
والي مضى خله , وأنسى الزعل لو زاد

والهم وين الهم ! شيـ ن يهد الحيل
عمره مافاد بشي , غير الشقى والويل .!

لا تهمك الآهات , وأكبر على العثرات
لا تغلبك دمعات , تقسى على العزمات

عمر الحزن مايتم , والفرح لك مكتوب
والعمر فيه كم يوم , والوقت ذا مسلوب
وبس وانشاءالله
اعجبكم
وانتظر الردود